Rusiye ve Ukrayina prezidentleriniñ yüksek seviyeli körüşüvi Macaristanda ola bile, dep bildirdi Reuters agentligine ABD prezidenti Donald Trumpnıñ memuriyetindeki üyken seviyeli menba. Washington sammiti teşkil ete, Trump özü de iştirak etecek, dep beklenile.
Berilgen malümatqa köre, Amerika lideri sammitni avgustta teşkil etmege istey. Muzakerelerniñ yeri ilân etilmedi. Trumpnıñ özü Rusiye prezidenti Vladimir Putinnen Alâskada körüşti.
Macaristan – Avropa Birligi ve NATO memleketi. AB memleketlerinde Gaagadaki Halqara ceza mahkemesiniñ Putinniñ apiske aluv qararı bar. Amma 2023 senesi Macaristan baş naziriniñ kantselâriya yolbaşçısı bildirgenine köre, Budapeşt Rusiye prezidentini apiske almaz edi. Baarde Macaristan akimiyeti mahkemeden çıqıp başladı. Bu esnas tahminen bir yıl devam etecek, dep haber etilgen edi.
Aynı vaqıtta Macaristan ve Kyivniñ munasebetleri kritik alçaq seviyede buluna. Macaristan Ukrayinağa arbiy ve maddiy yardımğa ve memleketniñ Avropa Birligine qabul etilmesine qarşı çıqa.