Rusiye avgustnıñ 19-na keçer gecesi Ukrayinağa 270 dron, beş ballistik ve beş qanatlı raketanen ücüm etti, dep haber ete Ukrayina ordusı. Strategik aviatsiya iştirak etti.
Berilgen malümatqa köre, dron ve raketalarnıñ büyük qısmı urıp tüşürildi, lâkin 40-tan ziyade darbe oldı, hususan X-101 qanatlı raketası ve üç «İskander-M» ballistik raketasınen.
Poltava vilâyetinde, hususan Kremençug şeerinde kütleviy darbe aqqında haber etile. Regionda bir buçuq biñden ziyade insan ışıqsız qaldı, dep haber ete yerli arbiy memuriyetniñ yolbaşçısı Volodımır Koğut.
Rusiyeniñ büyük darbesi Washingtonda Ukrayinadaki cenkte cenknen bağlı muzakereler vaqtında oldı. Salı kününe keçer gecesi ABD prezidenti Donald Trump Ukrayina prezidenti Volodımır Zelenskıynı ve bir qaç Avropa liderini qabul etti.
Qapalı qapular arqasında olğan muzakerelerniñ neticelerine köre Trump Zelenskıy ve Rusiye prezidenti Vladimir Putinniñ şahsiy körüşüvi azırlanıla, dep bildirdi. Sammit avgustta ola bile, dep aytılğan edi.