Sumı vilâyetinde gece Rusiye ücümi neticesinde 12 insan yaralandı, olarnıñ arasında eki bala bar, dep bildire arman ayınıñ 20-nde Ukrayina Milliy polisi.
"Gece duşman Ohtırka şeerine pilotsız uçaqlarnen kütleviy darbeler endirdi. Bu tsinik ateş, sakinlerge qarşı yönelgen edi... Çoq qatlı ev, 13 şahsiy ev, hocalıq inşaatı, garaj zarar kördi", — dep aytıla beyanatta.
Evelden silâlı atışlar aqqında vilâyetniñ arbiy memuriyetinde haber etilgen edi, amma yaralanğanlarnıñ tam sayısı bildirilmedi.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturasına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.